Lamo mek dok menyembang di blog ni.
Diari hidup memang terbatas cket nok tulis blog. Macam-macam mek nok buat etek, publish di facebook lah, instagram lah,
macam -macam mek nok tulis dan ghoyak.
Kali ni, mek lepah geram nulis gapo sajo hop mek nok tulis dalam bahaso hop dok semua ore bulih pehe.
Mek ni bukey gapo, nok ghoyak buwi, penat jugok duk nulis secara formal, ikut tuley-belake ng structure ayat nyo.
Kadang-kadang sero gian lah wey nok nulis dalam dialek klate nih, biar lah dok pekat mano pun.
Kade-kade, lau mek tulis kok klate ni, idea mencurah-curah, ikut lah mek nok ghoyak gapo pun, xdok ore nok sekat, nok wi markah dan nok ghoyak saloh gapo hop mek tulis ni.
Kali ni penyetart sebelum mek tulis jurnal ilmiah, mek bobey dulu. Lamo sungguh blog ni dok meriah ghetek, metey2 lah facebook ado lonih key.
Dulu ore duk tumpu ko blog, google jah gapo2..
lonih, lau google pun, dio bowok g tunjuk ko facebook, blog post tu ado, tapi dok banyak maklumat.
Bilo lagi laymen nok baco kisoh-kisoh menarik ni key?
Dalam jurnal memey banyak bendo menarik, hop ore biasa x tahu..
Tapi tu lah.
Kat Malaysia ni, sampai situ jah dulu.
nok implement gapo2 memey lambat dan makey maso cket.
ok, serow okey dulu .. Panas doh jari-jemari mek ni, dan otak pun sero bulih doh nok nulih..
jjupo lagi nati deh
Suka entri ini? (=^_^=)
No.29
Post a Comment